‘Ua manuia te ‘ōpuara’a a Lara Karel-Yohanna e tāna mau piahi nō te fare ha’api’ira’a Saint-Hilaire Faa’a. E 3 matahiti fa’aineine-‘āmui-ra’a-hia mai teie nei tāpura ‘ohipa i roto i te tau ha’api’ira’a. Hou teie mau tamari’i a tomo atu ai i roto i te tuha’a tuarua, ‘ua hina’aro te ‘orometua e tāviri hō’ē hoho’a nō teie pehe.
Mai te pāpa’ira’a ‘e tae atu i te fa’aharuharura’a, ‘ua turuhia teie mau tamari’i e te ta’ata hīmene ra ‘o Léo Marais.
Te i’oa o teie nei hīmene, « La promesse », ha’apūrorohia i ni’a i te tahua Youtube.
