E piti ‘ōpuara’a tei ferurihia mai e te tā’atira’a Ia Vai Mā Noa Bora Bora.
A tahi : ha’amau hō’ē vāhi tātā’ira’a moiha’a tei ‘ino. E ravehia hō’ē tuha’a o te tino moni nō te ‘aufau i te mau rautī e haere mai e ha’api’i e na fea i te tātaratara, tātā’i, tāmaumau ‘e fa’a’ohipa-fa’ahou-hia atu ai. Iti ato’a mai ia rātou i roto i te mau fa’aru’era’a pehu ‘e ‘aore rā i roto i te nātura.
Te piti o te ‘ōpuara’a : ‘imi i te mau rāve’a nō te fa’aiti i te manu ‘ai moa. Te tumu, tē ha’afifi nei ‘ona i te orara’a o te tahi atu mau manu.
Hau atu, te mana’o ato’a ra te fa’aterera’a hau nō te fa’a’apu ‘e te arutaimāreva e fa’atae hō’ē pi’ira’a ‘ōpuara’a nō te ti’a’au i te mau ‘ūrī ‘e pi’ifare ‘e ‘ōvere nei, inaha ‘ua ‘ōta’a noa ‘ati a’e i te motu nō Bora Bora.
