Te ahu ra’a o te moana, ‘ua fa’aruru o Taiaro i te area toru ‘ahuru (30) matahiti, ia fa’aro’o ana’e hia teie fa’atere mā’imi nō te criobe. ‘Aita ‘oia e ‘ite fa’ahou ra i te mau pāhua, ua iti ato’a mai te mau to’a a’au. Toru (3) ‘aore rā pae (5) ana’e i nia e piti hānere (200) to’a a’au ‘ati ia pōrīnetia. E te pohepohe ato’a ra te mau i’a.
« ‘I tō’u tāu’aparau ra’a nā muri ia Tamati ‘e ‘o Ruta e ora nei i’o nei e rave rahi matahiti, ua na’o mai rāua, e rave rahi mau i’a o tei pohepohe haere. Pinepine teie mau pohepohe raa i’a nō roto mai i te mara’ara’a o te anuvera o te pape e te tahi tumu ua iti mai te mata’i ora, no te mea teitei roa te anuvera o te pape » te reo teie a Serges planes, fa’atere nō te pū mā’imira’a crns-criobe.
‘Aita tō Taiaro ‘e ava. Tomo hia teie tairoto i te vāve’a, hō’ē ‘aore ra piti (2) taime i te matahiti. ‘E noa atu te ahu noa atu ra teie moana, ‘aita te tā’āto’a ra’a o te mau faufa’a i mōrohi. ‘E te uiui nei te mana’o o te mau ‘aivāna’a, ‘eaha mau na te tumu ?
« Te fāfā ra’a ia, mea nāfea tā teie mau faufaa orara’a i mua i te fāito teitei o te anuvera. Penea’e, e mitora’a teie nō te fa’a’au ra’a i te orara’a o te mau i’a i te taime ahura’a o te reva » tetahi teie hi’ora’a a te fa’atere nō te pū mā’imira’a crns-criobe.
Na teie mau mā’imira’a a te criobe e te crns e fa’a’ite mai te nu’ura’a o te ahura’a o te reva i pōrīnetia nei.
