E ‘inaha ‘ua ha’afaufa’a-ore-hia te horora’a i te matahiti 2021 e te ha’avā uiui, ‘ua fa’aoti te piha hi’opo’ara’a ia tu’uhia teie ‘ohipa i mua i te tiripuna fa’autu’ara’a. I teie mahana piti e ha’avāhia ‘o Sergio Tefau.
Parihia te perepitero tahito nō te paroita Tereta Peata i te ravera’a i te ‘ohipa tano ‘ore i ni’a e piti tamari’i. I tā rāua paraura’a, ‘ua fa’ainu ‘ona ia rāua i te ‘ava e ha’amata’ita’i ato’a i te hōho’a faufau hou a tā’oto atu ai nā tamari’i e piti. E riro ‘ua tupu taua mau ‘ohipa ra i te matahiti 2017 ra.
I te taime tītorotorora’a, ‘ua pāto’i ‘ū’ana na o Sergio Tefau i te mau ‘ohipa ato’a i parihia ‘ona. Ia au i te matahiti ‘o nā tamari’i e piti, ‘e’ita te ta’ata e fa’ari’ihia nō te haere atu e fa’aro’o i te ha’avāra’a.
