Nā roto i te ha’amaura’a i teie mātini i Atu’ona, ‘aita e faufa’a fa’ahou nō te mau vahine nō te Matuita apato’a i te haere i Nuku Hiva e ‘aore i Tahiti nō te pata i te rātio tītī.
« Rāve’a nō te fa’a’ōhie i te araira’a i te māriri ‘aitītī, teie te tumu mātāmua e pohe ai te mau vahine i te fenua nei », i te ha’apāpūra’a a te fa’aterera’a hau fenua i roto i tāna parau fa’aara.
I te matahiti hō’ē, 200 vahine e ro’ohia nei i teie ma’i, 35 o rātou e fa’aru’e mai. Nō reira, e ta’ahira’a ‘āpī teie i te pae nō te ea.
I te matahiti 2018, ‘ua ha’amauhia hō’ē mātini i Taioha’e, mai reira, 1000 rātio tītī tei patahia. Teie ra, ‘aita e rāva’i nō te fa’ari’i i te tā’ato’ara’a. Te tumu ia i mana’ohia ai, e nā reira ato’a i Atu’ona. Nō teie mātini ‘āpī, 21 mirioni tei fa’a’ohipahia nō te fa’aineine i te vāhi nō te fa’ari’i iana.
