Nō te mea ‘ua ro’ohia hō’ē ta’ata i te ma’i dengue i Faa’a, ‘ua fa’anahohia te pāmura’a rā’au naonao i te aroa Vaitea. ‘Ua tupu te reira i teie nei po’ipo’i monirē, e fa’atupu-ā-hia a mahana maha ‘e farairē. Te fā : ‘eiaha te ma’i dengue ia parare i roto teie tuha’a ‘oire.
Nō reira :
• mahana maha 25 nō tēnuare : e tāmā-haere-hia te mau ‘ōfa’ara’a naonao i roto i tāua noa ā aroa, tītauhia te fatu fare ‘e tāna parau fa’ati’a.
• Mahana pae 26 nō tēnuare, e tupu ai te piti o te pāmura’a rā’au tinai naonao. Te anihia ra i te mau fatu fare, ‘ia vai matara noa te mau ‘opani ‘e te mau ha’amāramarama o tō rātou nohora’a.
Mai te mea e fa’atupuhia te reira e te huru nō te reva, e tūra’ihia te reira.
Eiaha teie nei ma’i ‘ia pārare roa atu, te anihia ra i te huira’atira :
- E haere e fārerei i te taote mai te vai ra te mau tāpa’o nō te ma’i dengue (te fīva, maui te upo’o, huru ‘ē nā ni’a i te tino)
- E tāma haere nā te mau vāhi ‘ōfa’ara’a naonao ‘io ‘outou ‘e i tā ‘outou vāhi ‘ohipara’a.
- E pāruru ‘ia ‘outou i te mau pātia naonao mā te fa’a’ohipara’a i te mau rā’au.
Nō te mau ha’amāramaramara’a i ni’a i te pāmura’a o te mau rā’au tūpohe naonao, ‘a niuniu atu i te piha ‘ohipa o te ea i te nūmera 40 503 745 ‘e ‘aore ra nā roto i te rāve’a rata uira cse@sante.gov.pf
