Nō te fa’atū’ati ‘e pāhono ‘i te anira’a ‘a te mau fare toa, ‘aita atu ‘e rāve’a tā teie taiete ‘eura’a faraoa. « ‘E tauturu-hia mātou nō te faraoa ota, teie ra, nō te fa’atū’ati te fāito ‘e ‘ere-hia nei ‘e mātou, te ‘ite mai ra ‘outou ‘i muri mai, te ho’o mai nei mātou ‘i te faraoa ota nō rapae » Yann Sui ta’ata ‘eu faraoa.
Ni’a nā piti hepetoma ‘i rātere-hia mai ‘e tātou, mai te 20 tae atu ‘i te 50% te topara’a ‘o te faraoa ‘e ‘eu-hia nei ‘i te mahana hō’ē.
Te tīa’i-hia ra te pahī ‘e uta mai nei ‘i te faraoa ota nō te mahana matamua nō titema. Ua ha’amata vetahi mau fare ‘eura’a faraoa ‘i te tārani tā rātou mau ‘eura’a faraoa mai ia Jean Hatuuku « Ua topa ‘ena tā mātou hāmanira’a, haere roa ‘i ni’a i te production nō te pain spéciaux, te hamburger pauroa. Ua ha’atopa pauroa hia nā mātou tera taera’a mai tera 4000 pūtē faraoa ota tā mātou, tera pa’i tā mātou mea hope’a. Teie ia mātou ‘e tāpe’ape’a māru nei ha’apa’o tāpae mai tera tere hope’a année ».
Tei pāpū, ‘e fa’a’ohipa noa-hia te faraoa ota ‘o tei ‘aufau-hia nei ‘e te hau fenua nō te faraoa ‘e ‘amu- hia nei ‘i te mau mahana ato’a, ‘ōpani ‘eta’eta-hia te mau taiete ‘e fa’a’ohipa ‘i teie faraoa ota nō te ‘eu ‘i te mau faraoa ta’a’ē.
