E tu’ura’a ‘āvae ‘āpī i roto i te tuha’a nō te tāpūra’a rā’au nā roto i teie nei taiete a te ‘utuāfare Siu. I To’ovi tōna ha’amaura’ahia i te ātea 900 mētera i te teitei, i ni’a hō’ē tāpū fenua 6 tauatini mētera tūea. Te ‘ōpuara’a a te taiete, te fa’a’ohipara’a te uru rā’au ‘aito Caraïbes tanuhia a 40 matahiti, ‘ia noa’a 7 tautini 5 hānere mētera ‘āfata rā’au i te matahiti hō’ē.
« Te ti’aturi nei mātou i te turu a te tā’ato’ara’a. E mau tamari’i ana’e teie nō Nuku Hiva, nā rātou e tāpū i te rā’au, ‘āfa’i mai ai i’ō nei, tāpūpū, rapa’au e ho’o atu ai. Mea faufa’a inaha e 3 mahana fanora’a nā te moana, e toru hora nā ni’a i te manureva, mea ātea teie taiete ia Tahiti, te vai ra rā te ti’aturira’a », i te reo ‘o Gérard Siu, te peretiteni o te taiete.
Matahiti 2021-2023 te roa’ara’a te mātete i te ‘utuāfare Siu. 7 hānere 8 ‘ahuru mirioni te tāpura’a faufa’a i tu’uhia e ana nō teie teie ‘ōpuara’a, 3 hānere 5 ‘ahuru mirioni mea nā roto i te tārahu i te fare moni. ‘Ua tihepu 18 taure’are’a, e 5 ā i muri mai nō roto mai i te RSMA.
« Mea ‘oa’oa nō te mau feti’i nō Nuku Hiva nei, terā mau taure’a tei tihepuhia mai, mea maita’i roa ia. Te vai ra tei fa’aineinehia, ‘ua haere rātou i te ha’api’ira’a teitei ‘e te vai ra tei haere i te RSMA. I te ha’amatara’a mea huru fifi nō te fa’a’ohipara’a i te mau mātini, ‘ua roa’a ra i te tātā’i, i teie mahana, ‘au ‘āfaro roa« , i te reo ‘o Ismaël Rehia, rave ‘ohipa nā te taiete tāpū rā’au nō Nuku Hiva.
Nā roto i te tere o te fa’aterera’a i To’ovi nei, ‘ua ani te taiete i tāna turu maoti te tute i ni’a i te fa’ahotura’a, ei tauturura’a iana i te tata’u ato’a i ni’a i te mātete nō te ara.
