‘E’ere i te ‘oa’oa nei nō teie nei feti’a ‘auro tei roa’a mai ‘ia Kauli Vaast i roto i te tuha’a nō hōrue. 22 matahiti tō teie nei taure’a nō Vaira’o. Te 13ra’a teie o te feti’a ‘auro nā te fenua Farāni.
I muri mai ia Johanne Defay, tei haru mai i te feti’a veo, te pitira’a tei o te feti’a i haruhia mai e te pupu nō Farāni i roto noa i te area e 2 hora.
« Mai tei hāmatara’ao te mau tata’ura’a, ‘aita te mana i fa’aru’e ia’u. Teie ia, ‘ua riro mai au ei ‘aito nō teie heiva nui nō tū’aro. ‘Ohipa mana’o-‘ore-hia teie (…). Tē pūpū nei au i teie nei feti’a nā te fenua Farāni, nā Pōrīnetia tā’ato’a ‘e te mau ta’ata ato’a tei ti’aturi ‘e tei turu ia’u. Tē ha’apāpū nei teie feti’a, i tō’u ti’ara’a i rotopū i te mau ‘aito nō te ao nei. ‘E’ere i te te’ote’o nei i te amora’a i te ro’o o te fenua Farāni ‘e Tahiti. Nō teie nei taime, te hina’aro nei au e ho’i i piha’i iho i tō’u nā metua« , i te reo o Kauli Vaast, i muri mai i te tata’ura’a.
‘O Kauli Vaast te piti o te taure’a Tahiti tei haru mai i te feti’a i roto i te heiva tū’aro nui, ha’amana’o na tātou, i te matahiti 2012, ‘ua mau mai ia Anne-Caroline Graffe te feti’a ‘ārio i roto i te tuha’a taputō kōrea.
