Ha’amana’o nā tātou : a 12 matahiti i teie nei, i te fenua Toromona te fa’atupura’ahia te 11ra’a o te Heiva tumu nui nō Pātitifā. ‘Ua ‘āmui atu te mau fenua nō ‘Ōteānia nō te fa’a’ite i tā rātou mau peu nā reira ato’a i te nu’u va’a Pacific Voyagers, i rotopū nā va’a e 7, te vai ra ‘o Fa’afaite.
Mai te matahiti 2009, ‘ua fano teie nei va’a nā te mau fenua ato’a nō Pātitifā. ‘Ua riro teie mau tere ‘ei ha’api’ipi’ira’a ‘e ha’apautuutu ato’a i te ‘aravihi o te mau ‘ihitai nō te fano nā te moana mai muta’a ra. I rotopū ia rātou, Titaua Teipoarii ‘e Moeata Galenon. Te fa’aineine nei rāua i te tere i Hawaii nō te Heiva Tumu nui nō Pātitifā o te tupu i te ‘āva’e tiunu.
‘Ōro’a o te tupu i te mau 4 matahiti ato’a. Terā ra i te ravera’a a te tōvī, a 6 matahti ‘aita teie nei ‘ōro’a i tupu.
Hau atu ia Fa’afaite, e ‘āmui ato’a atu te pupu Te Maeva nō te amo i te ro’o o te fenua nei.
Titaua Teipoarii, tāpena nō Fa’afaite, te manihini o te ve’a :
