Fa’anahora’a ta’a’ē tei fa’aineinehia mai nō te 27 nō tetepa, mahana nō te fa’ahanahanara’a i te fa’ari’ira’a manihini. I teie nei matahiti, te fā a te piha ‘ohipa nō te fa’ari’ira’a rātere ‘e Tahiti Tourisme, te ha’afaufa’ara’a ia i te mau ta’ata e ‘ōpuara’a tā rātou nō te ha’amau hō’ē taiete.
E fa’atupuhia tāua fārereira’a ra ‘i te tāmaru nō te Fare ‘āpo’ora’a rahi.
Te fā :fa’a’ōhie nō te ha’amaura’a hō’ē taiete mai te mau pu’e parau e tae atu i te mau tauturu e fa’anahohia ra nō terā tuha’a ‘ohipa. I reira, e ti’a tino mai te mau piha ‘ohipa e ha’apa’o ra i terā e terā tuha’a.
I te 27 nō tetepa, rau te mau fa’a’ana’anataera’a tei tarēnahia ‘i Tahiti, Moorea ‘e Matuita mā. E nā reira ato’a ‘o Fakarava, Teva i Uta, Moorea, Raivavae, Ua Huka, Rurutu, Tubuai ‘e Huahine.
I Tahiti e i Moorea, tāpura ‘ohipa te fa’anahohia i te roara’a nō te mahana, mai te mātete Marapuru a Paraita, Te Fare James Norman Hall, te Fare ‘Iamanaha ‘e te Fare nō te poe.
