I te roara’a 10 mahana, e ha’aputuputu atu tō Mātuita mā i te māhora nō Mama’o nō te fa’a’ite i te raura’a o tā rātou mau tauiha’a rima’ī : te mau tiki, te mau penu, te mau ‘ūmete, te mau tapa ‘e te mau hei huero.
86 feiā rima’ī tei tāpapa mai nō te 56ra’a o te fa’a’ite’itera’a.
Nō teie nei fa’anahora’a, ‘ua tarēnahia te mau ‘ori, te tuira’a hei huero, te nana’ora’a i ni’a i te rā’au ‘e te tata’ura’a ko’okā.
I te mau mahana mā’a 2 ‘e 9 nō novema, e ‘ite atu ‘outou i te fa’aineinera’a ka’akū ‘e te i’a mito. E ho’o-ato’a-hia te mā’a tumu nō Mātuita.
HA’AMĀRAMARAMARA’A
56 ra’a o te fa’a’ite’itera’a rima’ī nō Mātuita
Mai te 31 nō ‘ātopa tae atu i te 11 nō novema 2024
‘Ōro’a ‘īritira’a i te 31 nō ‘ātopa i te hora 10
Māhora nō Māma’o
Matara i te mau mahana ato’a mai te hora 8 i te hora 6 i te ahiahi
