Mutu te rāve’a ha’apūrorora’a 4G, fifi te ‘ōperera’a o te mau poro’i, tāupupū te niuniu ‘āfa’ifa’i… te ‘ohipa ia fa’aruruhia nei e te ta’ata mai teie po’ipo’i, e ‘ua fa’a’ite i tō rātou mana’o māuruuru ‘ore i ni’a i te mau tahua natirara.
I teie nei po’ipo’i mahana maha, tē ha’apāpū ra te taiete Vini i te mau fifi e tupu ra. « Hō’ē tuha’a tei tātā’ihia mai te hora 7 i teie po’ipo’i, te ‘imi nei te mau pupu ‘ohipa i te mau rāve’a nō te tātā’i hope roa i te rēni ».
Nō reira, te ani nei te piha ‘ohipa a te tōmitēra teitei, « ‘ia fa’a’ohipahia te niuniu paraparau nō te mau ‘ohipa rū ».
