E tīa’iri’i te mau pīahi nō tāua ha’api’ira’a ra. Te tumu, « ‘ua paruparu roa te tumu ‘autera’a e vai ra i roto i te ‘ā’ua o te fare ha’api’ira’a tuarua Louise Tehea Carlson. Noa atu te mau rāve’a nō te ‘atu’atura’a ‘iana, ‘aita i rava’i ‘ia au i te mau hi’opo’ara’a i ravehia na », mai tei ha’apāpūhia e te fa’aterera’a nō te ha’api’ira’a.
Nō reira, ‘ua fa’aotihia e tāpū i tāua tumu rā’au ra.
Nō te mau ‘ōrometua, e ha’amata ihoa rātou i teie mōnirē 12 nō ‘ātete.
Nō te mau pīahi, ‘ua fa’ataimehia te ho’ira’a i te ha’api’ira’a :
– Pīahi piha 6, i te mahana toru 14 nō ‘ātete mai te hora 7:00 tae atu i te hora 11:00 (‘aita e fare tāmā’ara’a i tāua mahana ra) : pi’ira’a i te hora 7:00, fa’ari’ihia e te ‘ōrometua tumu
– Pīahi piha 5, 4 ‘e 3, (‘aita te mau pīahi piha 6) i te mahana pae 16 nō ‘ātete (‘aita e fare tāmā’ara’a i tāua mahana ra) mai te hora 7:00 tae atu i te hora 11:00. Fa’ari’ihia te mau tamari’i mai te hora 6:30 i roto i te ‘āua.
-Ha’amata te mau EdT nō te tā’ato’ara’a i te mōnirē 19 nō ‘ātete i te hora 6:55. E ha’amata ato’a te fare tāmā’ara’a i terā mahana.
– Fa’ari’ihia ta’a’ē nō te mau pīahi piha 6 i te farairē 23 nō ‘ātete i te hora 10:30.
