‘Ia au i te ve’a Tahiti Infos, tei pūhara mātāmua i teie parau, ‘ua fa’atae te fa’atere ha’api’ira’a hō’ē parau fa’aarara’a i te tā’atira’a metua tamari’i, ha’apāpū ra, te pohe o te pīahi.
E tamaroa teie nō Maupiti, tei fifihia. Noa atu te vitiviti o te mau pupu ‘ohipa, ‘aita i roa’a i te fa’aora ia na. ‘Ua fa’atae te fa’aterehau nō te ha’api’ira’a i tōna « tāpa’o nō te aroha i te ‘utuāfare ‘ati ».
‘Ua ani te ‘auvaha ture ‘ia ravehia te mau tītorotorora’a nō te tūrama i te tumu o teie ‘ati.
E tupu hō’ē ‘āru’i purera’a i te mahana piti 22 nō ‘ātopa 2024, ahiahi i te hora 6 i te fare ma’i nō ‘Uturoa.
