‘Ua tu’u te pū mitora’a nō te reva i te mau motu ni’a ‘e raro mata’i i ni’a i te ‘ū puatou nō te ua pūai.
Mai nanahi mai ā, mahana piti, ua topa rahi te ua i Tahiti ‘e i Mo’orea. E riro rā e tāmau te reira e tae atu i te mahana maha i te pae apato’a ‘e i Tahiti iti.
I Raro mata’i mā, e topa ā te ua e tae atu i te mahana maha.
E rauma’i i te mahana pae i te mau motu Tōtaiete.
Tītauhia te huira’atira ‘ia vai ara noa :
Fa’aiti te mau hāhaerera’a.
‘Eiaha e haere ‘e ‘aore rā e tere nā te mau vāhi e ‘ua hōpuna te pape
‘Eiaha e tāpiri atu nā te mau tahora pape. Tāpe’a i te mau tamari’i i te fare.
‘Eiaha e haere nā ni’a i te mou’a ‘e ‘aore ra e fano nā te moana.
E ara i te mau tumu rā’au, te tahera’a vari paruparu.
Hi’o tāmau i te mau parau fa’aarara’a ha’apūrorohia e Météo France.
Nūmera niuniu rū : te 18 nō te mau fifi i ni’a i te fenua ‘aore rā te nūmera 16 nō te mau fifi nā te moana.