» Te ‘oa’oa nei au i te ti’ā’au fa’ahou i te fa’atera’a o te mau ‘ohipa roto e te mau fenua nō te aramoana », tā Gérald Darmanin i pāpa’i i ni’a i te tahua natirara X (Twitter i mūta’a ra).
Merci au Premier ministre d’avoir proposé ma nomination au Président de la République. C’est un honneur de continuer ma mission au ministère de l’Intérieur et des Outre-mer afin notamment de réussir les Jeux Olympiques et Paralympiques.
— Gérald DARMANIN (@GDarmanin) January 11, 2024
Te tahi ato’a nōminora’a : tō te fa’aterehau nui o te tū’aro ‘e te heiva tū’aro nui, Amélie Oudéa Castera, o te ti’a’au atu i te ha’api’ira’a ‘e te u’i ‘āpī. Nōminora’a tei ha’ape’ape’a i te mau aupupu.
» Te maere ‘e te riri ato’a ‘ia hi’ohia te mau fifi e orahia ra i te pae o te ha’api’ira’a », i te hi’ora’a a Sophie Vénétitay, pāpa’i parau rahi o te Snes-FSU, aupupu pūai roa a’e i roto i te tuha’a tuarua.
Hau atu, te piri mai ra te heiva tū’aro nui. « ‘E’ita e taimehia tō teie nei fa’aterehau nō te ha’apa’o i te pae nō te ha’api’ira’a, teie ia e pe’ape’ahia nei », i tōna reo.
Te mau fa’aterehau raro a’e i te fa’aterera’a a Gabriel Attal :
Bruno Le Maire, Fa’aterehau nui o te fa’arava’ira’a faufa’a, o te terera’a faufa’a ‘e rāve’a nūmeri
Gérald Darmanin, Fa’aterehau nui o te mau ‘ohipa roto ‘e o te mau fenua nō te aramoana
Catherine Vautrin, Fa’aterehau nui o te ‘ohipa, te ea ‘e te autaea’era’a
Amélie Oudéa-Castéra, Fa’aterehau nui o te ha’api’ira’a, te u’i ‘āpī, te tū’aro ‘e heiva tū’aro nui
Rachida Dati, Fa’aterehau nui o te tā’ere
Sébastien Le Cornu, Fa’aterehau nui o te mau nu’u
Eric Dupond-Moretti, Fa’aterehau nui o te ture
Stéphane Séjourné, Fa’aterehau nui o te mau ‘ohipa e au i tō te ara
Marc Fesneau, Fa’aterehau nui o te fa’a’apu
Prisca Thévenot, ‘Auvaha o te fa’aterera’a hau fenua
Sylvie Retailleau, Fa’aterehau nui o te ha’api’ira’a teitei ‘e o te mā’imira’a
Marie Lebec, Ti’a’au i te mau aura’a ‘e te ‘āpo’ora’a hui to’ofā
Aurore Bergé, Ti’a’au i te orara’a ‘aifaito i rotopū i te vahine ‘e te tāne
