‘Ua mā’itihia ‘o Moerani Frébault (‘Āmui Tātou) ‘ei ‘īriti ture i roto i te tuha’a 1. I roto i te tuha’a 2, tei mua ‘o Nicole Sanquer (‘Āmui Tātou) ia Steve Chailloux (Tāvini Huira’atira) i te fāito 7% o te mau reo.
I roto i te tuha’a 3, mea iti roa te reo e fa’ata’a ra ia Mereana Reid-Arbelot ‘e ‘o Pascale Haiti. 42,71% reo tei te ti’a Tāvini Huira’atira, 41,08% reo nā te ti’a ‘o ‘Āmui Tātou. ‘E’ita ‘o Naumi Mihura’a (11,05%) e o i roto i te 2 o te hātuara’a.
I Puna’auia, 52,76% tei roa’a ia Pascale Haiti, nō na ‘ua ha’amata te 2 o te hātuara’a. « E ti’a e haere e fārerei i te feiā mā’iti, vauvau i te mau tāpura ‘ohipa ». ‘Āre’a ra nō Naumi Mihuraa, ‘ua ha’apāpū mai ‘o Pascale Haiti, « ‘aita mātou i parauparau atu ra, i teie nei ‘ua topa mai te mau nūmera ».
Teie te reo ‘o Mereana Reid-Arbelot, te ti’a a te Tāvini Huira’atira, i te matara’a mai te nūmera « ‘aita mātou e ha’ape’ape’a ra nō te 2 o te hātuara’a. ‘Ua ineine mātou. ‘O mātou ana’e i te mātou pae, ‘e’ere mātou hō’ē ‘āmuitahira’a o te pupu. ‘Ua ‘oa’oa vau i te mau reo i roa’a mai ».
I te matahiti 2022, 9761 ta’ata tei mā’iti nā Moetai Brotherson. ‘Aita i atea ia ‘āmuihia te mau reo ‘o Mereana Reid-Arbelot ‘e Pascale Haiti (10 170 reo).
« Tē ‘oa’oa ra vau. Te ‘itehia ra te ‘ohipa tāna i rave i te ‘āpo’ora’a ‘īriti ture i roto noa i te area 1 matahiti. ‘Ua pāpū ia’u e riro mai ā ‘ona ‘ei ‘īriti ture », i te reo ‘o Moetai Brotherson.
