I te fenua nei, 41,54% i te mau reo tei roa’a i te tāpura « Besoin d’Europe » arata’ihia e Valérie Hayer, turuhia e te Tāpura Huira’atira. I muri mai, 20,5% o te mau reo tei ia « La France Revient » turuhia e te pupu Te Nati.
6,56% te rahira’a o te mau ta’ata tei hōro’a i tō rātou ti’aturira’a i ni’a ia « Europe Ecologie », turuhia e Hei’ura Les Verts, pū’oihia mai e « France insoumise » (5,15%) ‘e « La France Fière » (5,02%).
Teie ra, e tano i te ha’apāpū e mea iti roa te ta’ata tei haere ‘i mā’iti, 13,59% ‘ia fa’aauhia i te matahiti 2019 ra tei ni’a ia i te faito 22,17%. ‘Aita tō te fenua e tāu’a rahi nei i te fa’a’āpīra’a i te mau mero ‘āpo’ora’a ‘īriti ture nō ‘Europa.
‘I mua i te tā’ato’ara’a o te mau nūmera i matara mai, ‘ua fa’aoti te peretiteni Hau Rēpūpirīta e ha’aparari i te ‘āpo’ora’a ‘īriti ture nō Farāni. Tāpa’o fa’a’ite terā, e fa’atupuhia te mau mā’itira’a ‘āpī. Te aura’a, ‘ua ‘ere nā ‘īriti ture e toru nō te fenua nei i tō rātou ti’ara’a.
