‘Ua ha’a tāmau noa na ‘o taote Catteau nō te tauturu i te feiā i ro’ohia i te māriri ‘aita’ata, te māriri ‘aitītī ihoa ra. Mai roto mai iana te mana’o e rave i te mau hi’opo’ara’a tāmoni-‘ore ‘ia ‘ite-‘oi’oi-hia e ‘ua ro’ohia anei terā e terā vahine i te māriri ‘aita’ata.
‘Ua riro na ‘ona ‘ei taote i te fenua Tunisie hou a tomo atu ai i roto i te tā’atira’a « ONG Médecin sans frontières » i te area matahiti 80. Mea nā reira tōna tonora’ahia i te fenua Peretīria ‘e Côte d’Ivoire.
‘Aravihi nō te pata i te hoho’a o te tino ta’ata, ‘ua taote ato’a na ‘o Pierre Catteau i te fenua Farāni, ‘i Antilles hou a tae mai ai i te fenua nei i te matahiti 1983. I’o nei, ‘ua ha’a ‘ona i te fare ma’i Pā’ōfa’i e i te pū Tamanu ‘i Puna’auia.
‘Ua onoono ‘ona ‘ia ha’amauhia hō’ē mātini pata hōho’a tītī i Nuku Hiva i te matahiti 2018, i muri mai ‘i Hiva Oa i te matahiti 2023.
Uiuihia i teie nei mahana, te nā’ō ra ‘o Natacha Helme, te peretiteni nō te tā’atira’a Ligue contre le cancer, « e ta’ata rahi teie e mo’e nei. ‘E’ita e mo’ehia tōna here i te nūna’a mā’ohi ».
