« E fifi terā nō te tā’atora’a, ‘eiaha nō hō’ē pae noa« , te reo teie ‘o Terainui Hamblin Ellacott, mero nō te tōmite « contre la violence en Polynésie française ». O teie tōmite te tumu o te ta’ahira’a nō te aro i te mau rave-‘ino-ra’a rau ‘e te ‘ū’anara’a o te rā’au ta’ero ice, i teie nei mahana mā’a. Ei fa’aha’amana’ora’a, ‘ua fa’aruru na te ‘utuāfare ‘o Terainui i teie huru ‘ati i te matahiti 2015 ra, ‘ua taparahi-pohe-hia tōna tuaane. Nā te reira ato’a e fa’afa’aitoito ia na i roto i teie tauto’ora’a.
Hau atu i te mau fārereira’a nā roto i te mau ‘āfata teata, te mau ve’a pāpa’i ‘e te mau rātio ato’a, ‘ua fa’anaho ato’a teie tōmite i te mau paruai i pia-haere-hia ‘e te mau poro’i ato’a e ha’apurorohia i te mau vāhi ato’a ‘e tae atu i ni’a i te mau tahua natirara.
E tupu ia te ta’ahira’a i te mahana mā’a 28 nō tetepa mai te hora 7:30. E fa’aru’e i te fare ha’api’ira’a To’atā haere ti’a atu i te tahua Taraho’i. Tītauhia te ta’ata ‘ia ‘ahu mai i te ‘ahu ‘ū ‘uo’uo. E taime ato’a teie nō te fa’aha’amana’ora’a ia Manoa, tei taparahi-pohe-hia, ‘ua itehia mai tōna tino i te 16 ra nō tetepa i Mahina.
Ha’amāramaramara’a :
[email protected]
87 74 05 30
