Te piri ra hō’ē ‘āva’e te he’era’a te repo i tāua vāhi ra. Mai te 26 nō tēnuare, taupupū roa te terera’a pere’o’o i Hitia’a o te rā. ‘Ua fa’ateahia te repo, ‘ua fa’apāutuutuhia te mau patura’a « aita e fifi fa’ahou » i teie nei mahana.
Nō reira, « mai teie nei mahana mā’a 24 nō fepuare i te hora 12, e tāhorahia te ‘iritira’a o te porōmu », i te ha’apāpūra’a a te fa’aterera’a hau nō te mau patura’a i roto i tāna parau fa’aarara’a.
« E vai ‘ōpani te porōmu mai te hora 8:30 po’ipoi’ ‘e tae atu i te hora 3:30 i te tahara’a mahana, te monirē ‘e te mahana maha. ‘Ōpani ato’a mai te hora 8:30 i te po’ipo’i ‘e tae atu i te hora 11 i te avatea i te mahana toru ‘e te mahana pae ». Te ha’apāpū ato’a ra te fa’aterehau nō te patura’a e « matara hope te porōmu mai te 15 nō māti 2024″.
‘Ei pū’ohura’a i te parau fa’aarara’a, te anihia ra i te huira’atira ‘ia fa’a’oroma’i ri’i mai ā.
