Rave’a ia « ‘ore te pa’epa’e ‘apī ia patu hia ‘i ni’a ‘i te to’a » mai tei ha’apāpū hia ‘e te parau pia ‘a te ISA, te pato’i ato’a nei teie patu ra’a. Te ‘ite nei rā teie ta’atira’a « e ua fa’a’oti te faatere ra’a fenua (…) ‘i te fa’ahope roa ‘i tāna ‘ōpua ra’a ‘e patu ‘i te ho’ē pa’epa’e « aluminium ».
Te ha’apapū ato’a nei teie ta’atira’a e, ‘aita te pa’epa’e rā’au « fa’aohipa hia tae mai ‘i te ‘āva’e no ātete 2023 » ‘e pāhono fa’ahou rā ‘i te mau fa’ature ra’a pāruru nō te fa’ari’i te mau tata’u ra’a rahi, iau ‘i te « ho’ē fa’a’oti ra’a rave hia ‘e te fa’atere ra’a ‘a Pōrīnetia Farāni ». E te tītau nei « te tā’atira’a ia rave ‘āmui hia te ‘ohipa nō te maita’i ‘o te tūaro, te pāruru ra’a ‘o te arutaimareva, ‘e te ‘ananahi ‘o te nūna’a mā’ohi ».
Ua ruru te ‘āpo’ora’a ‘oire, te mau tā’atira’a ‘e pāto’i nei teie patura’a ‘e te peretiteni Moetai Brotherson, fārereira’a tei tupu ‘i Vairao ‘i te 10 no tītema ‘i ma’iri a’e nei. Ua fa’a’ite te peretiteni hau fenua ‘i te hōho’a ‘apī ‘o te pa’epa’e no Teahupoo, mā te ha’apāpū e, ia ‘ore teie ‘ōpuara’a ia tae i tōna hope’ara’a, ‘eita te tōmite Heiva tū’aro nui nā reira te tōmite WSL, e ho’i fa’ahou mai io tātou.