Mata’i NAT : Te nu’ura’a i ni’a i te tahua Liveblog
Te fa’atata mai ra te mata’i NAT i te mau motu Tōtaiete. ‘Ia au i te mau mitora’a nō te reva, e tae mai i roto i te ārea 48 hora, te tumu ia te Tōmitēra teitei i tu’u ai i te mau motu ni’a ‘e raro mata’i i raro a’e i te fa’aarara’a mata’i rorofa’i. Nō te mau motu raro mata’i, e tanohia atu i teie mahana toru, te mau motu ni’a mata’i i te mahana toru i te pō e tae atu i te mahana maha.
« E piri roa ‘o NAT ia Mopelia i teie mahana piti, e tamau noa atu tōna tere i te pae ‘apato’a o te mau motu raro mata’i e haere roa atu ai i te mau motu ni’a mata’i », i te reo o Météo France.
- Parau fa’aarara’a mata’i rorofa’i nō te mau motu ni’a ‘e raro mata’i.
- Te tāmau noa ra ā te parau fa’aarara’a mata’i rorofa’i i Mopelia, Manuae/Scilly, i Motu One/Bellingshausen
- ‘Ia vai ara noa tō te pae Tuamotu.
- ‘Opani te mau fare ha’api’ira’a ato’a i ni’a e raro mata’i i te mahana toru 7 nō fepuare.
A ta’a noa atu i te mata’i NAT, te fa’aruru ato’a ra tō Tōtaiete i te vero ua ‘e te mata’i pūai teie e he’e noa atu ra i te pae Tuamotu.
TE MAU PARAU ARAIRA’A
- Ha’aputu te pape inu, te mā’a ‘e te mau rāve’a rū ;
- ‘Ia vai ineine te mau moiha’a nō te tāta’ira’a ;
- Hi’opo’a i te fāito o te mau punu fare, te mau ‘opani ‘e te mau ha’amāramarama ;
- Fa’aharu te mau nūmera niuniu rū ;
- ‘Eiaha e haere nā te moana ‘e ‘aore ra nā te pae ‘anavai ;
- ‘A fa’aro’o tāmau i te mau parau ‘āpī.