I teie mahana toru, ‘ua fa’aoti ‘o Météo France e tu’u i te mau motu raro mata’i ‘e ni’a mata’i raro a’e i te fa’araara’a ‘ū puatou nō te ua rahi.
Mea ua i te pae raro mata’i, i te motu ihoa ra nō Bora Bora, Maupiti, Taha’a e Ra’iātea. ‘Ua ‘ī te pape i ni’a i te mau porōmu , ‘ua farara te mau tumu rā’au, ‘ua he’e ato’a te fenua i Taputapuatea.
I te motu nō Bora Bora, e 3 fare ha’api’ira’a tei tomohia i te pape, hō’ēā ato’a i te fare ha’api’ira’a nō Maupiti.
I roto i tāna parau fa’a’ati, te fa’aara mai ra te piha ‘ohipa a te Tōmitēra teitei e te rohi ‘āmui nei oia e te mau piha ‘ohipa a te hau fenua nō te araira’a ‘e nō te tauturu ato’a i te mau ta’ata tei fifihia.
A hi’o tāmau i te mau ha’apūrorora’a a Météo France. Te nūmera rū i ni’a i te fenua, te 18 ‘e te 16 nō te mau fifi i ni’a i te moana.