Mea nā Teavaroa ‘o Tutehau ‘ia haere ‘i rapae ‘i te tairoto nō rimatara, vāhi ruru roa a’e teie ‘o teie motu tuha’a pae. E poti mārara tō Tutehau 12 a’e ‘ava’e te roa ‘e tāna mātini tāpa’o « suzuki ». Ia pūai te miti ‘i te ava, ‘e ha’atanotano mai ihoa ‘ōna nō te haere ‘i tua. « ‘Aite ‘āpo’o ‘a’ahi io mātou nei, tā mātou mea nāna noa pa’i ‘i ni’a i te haerera’a ‘o te ‘ōpape…mai te peu, tei ria te moana maita’i, te ria ia te ‘a’ahi. Nehenehe pa’i ia te manu, tei ni’a roa te manu, te i’a ra ‘aore ia i’a ‘i ria. Haere noa mātou tei ria te moana maita’i, haere ia mātou ‘i ria ‘e hī mai ai te ‘a’ahi, ‘e ‘amu mai ihoa…Nā mua a’e ra, haere ana’e ‘oe i tua, ‘aita ‘oe ‘i māoro ho’i mai, ‘e nā mua a’e ra, te reva, te mata’i. Ia vai noa te mata’i ‘i te hō’ē vāhi, nehenehe ‘ōna hō’ē ‘āva’e vai noa ‘ōna i’ō, ‘aite ‘ōna ‘e taui. Teie mahana, tei ‘ō te mata’i, ‘ananahi taui, ‘ananahi taui. Teie nei taui ana’e te mata’i, taui ato’a te ‘ōpape, teie nei ‘aite ta’a fa’ahou te i’a haere rātou ‘īhea « te reo teie ‘o Tutehau Anania, ta’ata nō Rimatara.
‘I tōna ‘āpīra’a ‘i te tairoto noa ‘oia ‘i te tautai ra’a te i’a. « Tā’u i’a te nōa’a mātāmura’a mai, ‘e tōtara, ti’apa’i pa’i ‘ōna, te tōtara. Ta’a ra ia ‘oe te tōtara, mea rarahi ‘ōna, puta noa ‘ōna. Oti te ria, haere mai nei ‘i ni’a i te manini haere mai nei ‘i ni’a i te api, tāmata tura ‘i te haere nā tai. Te haere ra’a nā tai, haere roa ra’a ‘i ni’a i tera mau i’a rarahi, ‘ahuru matahiti paha te pupuhi noa ra’a ‘e haere mai nei ‘i ni’a i te poti » Tutehau Anania.
E te ha’amatara’a ‘o Tutehau i te tautai nā ni’a i te poti marara, ‘aita ‘oia ‘i haere fa’ahou ‘e pupuhi. Nā ni’a noa atu ra ‘i te poti marara tae mai teie mahana.
