I roto i tāna rurura’a, ‘ua fa’aoti te ‘āpo’ora’a fa’aterera’a hau e tāpe’a i te tārīfa o te mau mōrī nō teie ‘āva’e fepuare matahiti 2024.
I roto i tāna pū’ohura’a, te fa’a’ite ra te hau fenua e teie ato’a tāna rāve’a nō te tauturura’a i te mau ‘utuāfare i mua i te mara’ara’a o te moni o te orara’a. I roto nā ‘āva’e 12 i topa a’e nei, ‘ua ‘itehia te pa’i’umara’a o te ho’o o te mā’a (+1,6%), o te mau inu ‘aita e ‘ava (+9,6%), te tārahu fare (+5%) te mau tauiha’a rau ‘e nō te ea (+2,5%).
‘Ia ‘āmuihia, e 3 taime te tārifa o te mau mōrī i te fa’atopara’ahia i te matahiti 2023. Mai te ‘āva’e nō ‘ātopa i mā’iri a’e nei, ‘aita te reira i taui.
