Tei te fenua Géorgie te Peretiteni nō te fare ‘āpo’ora’a rahi no Pōrīnetia i teie nei mau mahana, nō te ‘āmui atu i roto i te maha ahuru mā va’ura’a ‘o te rurura’a a te mau ‘āpo’ora’a ‘iriti ture e fa’a’ohipa nei i te reo farāni. I roto i tōna fārereira’a ia Nathalie Roy, te peretiteni nō te ‘āpo’ora’a rahi nō Québec, ‘ua ha’apāpū ‘o Antony Géros ‘iana e ‘ua ineine ‘o Pōrīnetia i te tōno i te mau fa’ehau tupohe uahi i te fenua Tanāta.
Te fa’aruru nei te fenua Tanāta i te mau ‘ati uahi. ‘Ia au i te pū Agence France Presse, tai’ohia 490 tei pa’apa’a i teie mahana piti iho nei. Te ‘āfara’a, e mea ataata e te fifi ato’a no te tūpohe.
I mua i teie mau fifi, rahi te mau fa’ehau tūpohe uahi nō te ara tei tāpapa atu i tāua fenua ra nō te tauturura’a.
