I te ara, ‘ua mara’a te tārifa ‘o te tura mōrī ‘ārahu. I te taime a utahia mai ai, ‘ua mara’a mōrī tapau ‘ore i ni’a i te fāito 9.1%, te mōrī hinu i te fāito 19% ‘e 17.1% hau nō te mōrī ‘ārahu.
Teie rā « te toe ri’i noa nei te moni i roto i te ‘āfata o te FRPH ‘e nehenehe ai e pa’epa’e noa i teie mara’ara’a », i te reo o te ‘āpo’ora’a fa’aterehau i roto i tāna parau fa’aara nō teie mahana toru iho nei. Fa’aotira’a nō te « turuturu noa i te mau ‘ūtuāfare o te fenua nei o te fa’aruru noa nei i te mara’ara’a o te orara’a ».
