‘Ua fa’autu’ahia te metua Sergio, i teie po’ipo’i mahana piti e te tiripuna fa’autu’ara’a, 3 matahiti hi’opo’ara’a. ‘Ōpanihia ‘ona e ‘ia rohi ‘āmui ‘e te mau tamari’i. E puta ato’a tōna i’oa i ni’a i te tāpura ‘o te mau ta’ata i rave i te ‘ohipa ‘ino i ni’a i te mau tamari’i. E utu’a moni ato’a tāna ‘e ‘aufau atu i nā ta’ata e piti : 1.5 mirioni farāne nā hō’ē, 200 000 farāne nā te tahi.
E tītau te metua Sergio i te tiripuna horo-fa’ahou-ra’a nō teie nei fa’aotira’a.
Parihia te perepitero tahito nō te paroita Tereta Peata i te ravera’a i te ‘ohipa tano ‘ore i ni’a e piti tamari’i, i te taime a tupu ai te reira, i te matahiti 2017 ra. I tā rāua paraura’a, ‘ua fa’ainu ‘ona ia rāua i te ‘ava e ha’amata’ita’i ato’a i te hōho’a faufau hou a tā’oto atu ai nā tamari’i e piti.