Nō teie nei fa’anahora’a matahiti, 42 ta’ata fa’a’apu, 12 ta’ata fa’a’amu ‘ānimara, 10 ta’ata rava’āi, 20 ta’ata fa’ahuru ‘ē mā’a, 130 feia tanu tiare, 22 ta’ata rima’ī ‘e 10 feiā pātana o te ‘āmui atu ‘i te fa’a’itera’a tarēnahia mai te 28 nō tetepa tae atu i te 8 nō ‘ātopa i te tahua nō ‘Outumaoro. 70 000 feiā māta’ita’i tei e tīa’ihia nei.
I teie nei matahiti, e vai matara ato’a te mau ‘ūputa i te mau pō farairē e tae atu i te hora 7:30. A ta’a noa atu hō’ē vāhi fa’ata’ahia nō te tanura’a natura, e fa’atupu-ato’a-hia te mau ‘aitauira’a mana’o ha’apūroro-ti’a-hia i ni’a i te tahua natirara. ‘Aita ato’a te mau ‘ānimara i mo’ehia.
Te tumu parau tei tāpe’ahia mai nō teie nei matahiti : ‘A fa’ahotu, ‘āruru ana’e
Te ta’aēra’a i teie nei matahiti : e tupu te fa’anahora’a « ‘ete » i te roara’a nō teie nei fa’a’ite’itera’a. E fa’anahohia mai te mau ‘ete hā’unehia, te mau ‘ō’ini mā te fa’a’ohipa i te nī’au ‘e te pae’ore.
Rau te mau tata’ura’a tei fērurihia mai, mai te fa’aineinera’a i te fāfaru.
HA’AMĀRAMARAMARA’A
Fa’a’ite’itera’a rautea
i ‘Outumaoro
Mai te 28 nō tetepa – 5 nō ‘ātopa
Matara : Hora 9 – Hora 6 i te ahiahi – hora 7:30 pō farairē
