I te paraura’a a teie pīahi piha tuha’a rua (licence), mea haere ‘ona e fa’a’eta’eta i te tino, i te area nō te hora 7:30 i te pō, te tupura’a teie ‘ohipa.
« Mea pau mai au nō te pūhapara’a CHE. I ni’a i tō’u haerera’a te vai ato’a nā taure’a e 3. ‘Aita i atea roa atu i tō’u mā’irira’a atu ‘ia rātou, te haruhia mai nei au nā muri. Nā’ō mai nei rātou : « ‘A hōro’a mai i tā ‘oe niuniu ‘e te mau ‘ohipa faufa’a ato’a. ‘Ua pāto’i vau. I reira hō’ē ‘o rātou i te tātarara’a mai hō’ē tipi nō te ha’amehameha ia’u, ‘ia hōro’a vau i tā’u mau tauiha’a. ‘Ua pāto’i ā vau, mea nā reira te ha’amatara’a te pe’ape’a », i te fa’ati’ara’a a teie pīahi, i teie mahana toru, tā’amu te rima ‘e i ni’a i te ‘ōpū.
‘Ua orahia tei taure’a i muri a’e i tōna « tūpa’ira’a » i te mau ta’ata i ‘aro iāna. I teie nei mahana, te pe’ape’a nei : « Mea huru ‘ē roa ia rave-‘ino-hia e hō’ē ta’ata (…) Mea huru roa ato’a ‘e ‘āfaro ri’i mai ai au (…) ‘Aita vau e hina’aro ia tāpiti fa’ahou ».
I te reo ā o teie pīahi : « I’o nei, e nehenehe te mau ta’ata ato’a i te haere mai. Te mau ta’ata anei nō te fare ha’api’ira’a tuatoru, tō te pūhapara’a ato’a. Tau matahiti i teie nei, ‘ua tupu ato’a hō’ē fifi mai terā ri’i. ‘Aita vau i mana’o e tupu teie huru ‘ohipa i ni’a ia’u ».
‘E’ere a tahi nei te pārurura’a a fa’ahitihia ai. Te ani nei ‘o Yann Le Guillou, te peretiteni nō te tā’atira’a ‘o te pūhapara’a CHE : « ia ha’amara’ahia te rahira’a te ta’ata tīa’i i te fare ha’api’ira’a tuatoru. Mea tano ato’a paha e ‘ia tāmauhia te mau mātini tāviri hōho’a. Te pinepine roa atu ra teie huru fifi i te tupu ». I te ‘āva’e nō novema, e fāna’o te mau pīahi i te mau ha’api’ira’a e nahea e pāruru ‘ia rātou.
