‘Ati mana’o-‘ore tei tupu i teie nei tahara’a mahana ‘i Pā’ōfa’i, ‘ua hi’a hō’ē tumu rā’au i ni’a hō’ē pere’o’o. I pīha’i iho i te fare ma’i i te tupura’a. Ia au i te mau ‘ite, te tīa’i ra hō’ē ta’ata i tōna metua vahine, tei te fare rā’au, i te harurura’a te tumu rā’au i ni’a i te faura’o. « Tō’u terera’a mai i tō’u itera’a i teie tumu rā’au i te hi’ara’a mai. ‘Ua ‘ite au hō’ē ta’ata i roto i te pere’o’o. ‘Oi’oi roa vau i te tāvirira’a i te pae ‘āui nō te ‘ape i teie tumu rā’au », i te reo ‘o Timothée tei tāua aroa ra i tāua taime ra.
‘Oi’oi roa te mau fa’ehau tūpohe auahi nō Pape’ete, te mau mūto’i ‘e te SMUR i te taera’a atu. ‘Ua tāpūpūhia te tumu rā’au. ‘Ua tono-ato’a-hia hō’ē pere’o’o tūtari nō te fa’atea i te tumu rā’au.
E ravehia te mau tītorotorora’a. E hi’opo’ahia te tumu rā’au.
