I roto i tāna parau fa’a’ati, te fa’aara ra te piha ‘ohipa a te tōmitēra teitei e ‘ua fa’aoti te tāvana nō Mo’orea, e vai ‘ōpani te mau fare ha’api’ira’a tamahou ‘e tuatahi, i teie mahana maha. » Nō te mau fare ha’api’ira’a tuarua, tei roto te fa’aotira’a i te Hau fenua « , i tāna ha’apāpūra’a.
I te reo o te Hau nui, ‘ua ‘itehia nō hea mai te fifi i mutu ai te ‘ōperera’a uira mai napō mai ia, mahana piti, ‘e » tē ha’a tūtonu nei te mau pupu ‘ohipa a te Epic Te Ito Rau nō Mo’orea-Mai’ao ‘e te mau ‘aivāna’a… nō te tāta’i i te ‘ōperera’a uira « .
» Te ‘imi ato’a ra te piha ‘ohipa e ti’a’au ra i te ‘ōperera’a pape i te mau rāve’a ato’a ‘eiha te reira ‘ia mutu « , ia au i te mau ha’apāpūra’a a te tōmitēra teitei.
