‘Ōpuara’a fa’aeara’a ‘ohipa : te tāmau noa ra ā te mau ‘aitauira’a

I te pae nō te piha ‘ohipa ārai ihiora, ‘ua hope te mau tāu’ara’a parau i rotopū i te mau ‘aupupu, fa’aterehau nō te ‘ohipa, Vannina Crolas ‘e te fa’aterehau nō te fa’a’apu Taivini Teai i te area nō te hora 8 i te pō. Ia au i te paraura’a a Mahinui Temarii, ‘ua tū te mana’o nō te tu’urima hō’ē parau fa’aaura’a i teie mahana maha. Nō teie nei taime, ‘ua fa’ataimehia te fa’aeara’a ‘ohipa.

Hō’ē ā ato’a i te fa’aterera’a nō te fa’a’apu, e tāmau ā te mau mātutura’a i teie mahana maha. ‘Ua ani te ‘aupupu e ia tupu te fārereira’a e te fa’aterehau Vannina Crolas.

I teie mahana maha, te ha’apāpū mai ra te taiete Sat Nui ‘e Cotada, ‘aita e fa’aeara’a ‘ohipa i reira.