« Nā teie nei pū ‘e tī’a’au ‘i te fa’atupura’a, te ha’aputura’a ‘e te ‘ōperera’a ‘i te mau ‘āma’a fa’atupu-‘āpi-hia ‘e tae noa ‘i te mau huero mā’a nā te tā’ato’ara’a ‘o te feiā fa’a’apu nō Pōrīnetia farāni nei. Rāve’a nō te fa’arahi atu ‘i te mau mā’a hotu ‘i te fenua nei mā te fa’aiti ‘i te poro’ira’a ‘i te ara » mai teie ‘i ha’apāpūhia mai ‘e te piha ‘ohipa ‘a te Tōmitēra teie.
‘E patuhia teie pū « ‘i te vāhi ha’aputura’a rā’au tupu Papuakeikaa, ‘aita teie nei vāhi ‘i ro’ohia ‘i te manumanu « Tristeza » mai terā ‘e ‘itehia ra ‘i roto ‘i te tahi atu mau ta’amotu ». Nā te fa’aterera’a ‘o te ‘ohipa fa’a’apu ‘e tī’a’au ‘i teie nei pū, « ‘i roto ‘i teie nei pū ‘e fa’ata’ahia te mau piha tāta’i tahi nō te fa’aineine ‘i te mau rā’au tupu hou ‘a hāponohia atu ai nā te mau ta’amotu ».
120 mirioni te tāpura faufa’a ‘i fa’ata’ahia nō teie nei ‘ōpuara’a, amohia ‘e te Hau nui ‘e te fa’atera’a hau fenua.