Fānau hia ‘o « Honotea », Tehau, Tavita Tauotaha i Makatea, ‘e ra’atira ‘ohipa patu fare tō teie metua tane i te ha’amatara’a, riro mai nei ‘ei rave ‘ohipa i roto i te hō’ē fare moni, hou ‘a pārahi roa ai i ni’a i te tōro’a pāpa’i ve’a.
‘I te ‘āfata rātio nō Pape’ete tōna ha’amatara’a i ni’a i teie tōro’a, e ‘o Maco TEVANE tōna ta’ata fa’aineine. Ō atu ra ‘oia i Radio Mā’ohi, i Radio Bleu, Radio Tamanu, ho’i fa’ahou mai nei i Radio Mā’ohi e ‘i Taui FM, tae roa atu i tāna tau fa’atuha’ara’a ‘i te matahiti 2019. « ‘Aita te Ua ‘e te mata’i i fa’a’otohe noa a’e iāna, noa atu e mea nā raro noa ‘oia ‘aore ia mea nā ni’a i te pereo’o mata’eina’a ia tāpapa i tāna ‘ohipa », te fa’ati’ara’a ‘o te hō’ē ‘o tōna feti’i.
‘E ti’a rauti ato’a ‘o « Honotea » i te ha’api’ira’a tāpati nō Mahina. ‘E ti’atōno ato’a ‘i Paea, hou ‘a rave atu ai i tāna fa’atuha’ara’a i te matahiti 2022. ‘E 9 tamari’i e 11 mo’otua tā Tavita.
Nā ni’a i te i’oa ‘o te tā’ato’ara’a ‘o te mau rave ‘ohipa nō TNTV, te fa’atae atu nei mātou i te tāpa’o tamahanahana i tāna tamahine Vaihere. Nā te Atua hau ‘outou e tīa’i mai.
