Te tāmau noa ra a te ma’i tōvī. I roto i tāna parau fa’a’ati, te fa’aara ra te fa’aterera’a hau fenua e ‘ua mara’a te rahira’a ta’ata i ro’ohia i teie ma’i i te fenua nei. Te tumu, o teie na aveave ‘āpī e piti (EG.5 et NJ.1) tei ite-ato’a-hia i te mau fenua nō Europa ‘e Marite.
E no te mea e mau aveave pe’e ‘ōhie, mea hau a’e ‘ia ravehia te mau rāve’a no te pāruru te tahi i te tahi :
- Tāmau i te pāruru vaha ‘e ihu ;
- Hōroi tāmau i te mau rima i te pu’a ;
- Fa’atea te tahi i te tahi ;
- Ha’apūva’iva’i i te mau piha ;
E nehenehe te ta’ata e fāna’o i te pātia arai i roto i te mau fare ma’i nā reira ato’a i te mau fare ho’ora’a rā’au.
Te mau vāhi nō te pātia arai i ni’a i te tahua natirara site de la direction de la Santé.
