I te matahiti 2015 teie ‘ohipa i te tupu-hōpe’a-ra’a i Tuha’a Pae. I te pō mahana mā’a i te ārea nō te hora 11 mā’iri, vāvā noa i ni’a i te punu fare o te huira’atira nō Tupuai, e ua pa’ari. « Fa’aro’o noa mātou i te haruru i ni’a i te punu fare. ‘Aua’a e mau hu’ahu’a ua pa’ari noa, i te reo o te pāpa’i parau rahi o te ‘oire, Damas Bataillard. ‘Aita te ua i fa’aea inanahi ra, e i te taime pō to’eto’e mai nei. ‘Ua ho’a te uira ».
« Nō’u nei, a tahi ra vau a ‘ite ai teie ‘ohipa i te tupura’a i Tupuai nei. ‘E’ita e ‘ore nō terā ato’a paha tauira’a o te tau. I mua a’e nei ‘io mātou, e ha’amata te tau to’eto’e i te ‘āva’e nō mē. I te ‘āva’e ‘ātete, ‘ua fa’aea. I teie mahana, ‘ua haere roa mai te to’eto’e i te ‘āva’e novema », i te mau mana’o ‘o Hezekia Viriamu, mono tavana mātāmua.
‘Ua tu’u te pū mitora’a nō te reva Météo France i te fa’aarara’a ‘ū re’are’a te pae to’erau ‘o Tuha’a pae. Te fa’a’ite ra ‘o Météo France, e topa te ua pa’ari ia tupu ana’e te vero uira.
Mau ha’amāramaramara’a hau atu i ni’a i te ua pa’ari i’o nei
