Tata’ura’a i rotopū ia Johanne Defay, mā’ona nō te pupu nō Farāni ‘e Brisa Hennessy nō te pupu nō Costa Rica, ‘āna’ira’a toru nō te ao nei, i teie nei tahara’a mahana. ‘Ua fa’a’ite mai te mā’ona nō te fenua Farāni i tōna ‘aravihi, e haru mai ai i te feti’a veo.
I te ‘ōmuara’a ihoa o te tata’ura’a, ‘aita ‘o Johanne Defay i ha’aparuparu, e ‘ua fa’ahe’e i te mau ‘are ato’a. ‘Ua vai noa ‘ona i mua e tae atu i te pae hōpe’a, 12.66 tana tai’o.
Te 47ra’a teie o te mau feti’a i haruhia e te fenua Farāni, hou te arora’a i rotopū ia Jack Robinson, nō ‘Auterāria, ‘e te tama nō te fenua nei, Kauli Vaast.
