A tupu noa ai te heiva tū’aro nui nō te hōrue i Teahupo’o na, te tata’u ato’a mai ra i te fenua Potītī. I reira to Tya Zebrowski, tamahine tahiti 13 matahiti, rirora’a mai ‘ei ‘aito nō ‘Europa o te tuha’a U16, ti’ara’a piti o te tuha’a U18.
Ei fa’aha’amana’ora’a, i te ‘āva’e mē i ma’iri a’e nei, ‘ua haru mai ‘ona i te ti’ara’a piti nō te tata’ura’a ‘aito nō te ao nei nō te hōrue nō te tuha’a raro mai i te 18 matahiti.
Te fā e tītauhia ra e Tya Zebrowski, ‘āmui atu i te heiva tū’aro nui o te tupu ‘i Los Angeles i te matahiti 2028.
‘Ua tupu te tata’ura’a Eurosurf junior mai te 20 tae atu i te 26 nō tiurai i te ‘oire Santa Cruz i te fenua Pōtītī. 211 taure’a tei tata’u atu na, ia au i te ‘āmuitahira’a nō te hōrue.
Te ‘āna’ira’a o te tāta’ura’a Eurosurf junior i’o nei