‘I teie nei mahana pae, tei roto ā te fenua ‘i te fa’aara’a rū nō te pūai ‘o te vāve’a.
‘I roto ‘i tāna parau fa’a’ati, te fa’aha’amana’o ra te piha ‘ohipa ‘a te Tōmitēra teitei ‘i te mau fifi tā te mau vāve’a ‘e fa’atupu ‘e te pi’i nei ‘i te tā’ato’ara’a ‘e ‘ia vai ara noa. Eiaha te fifi ‘ia tupu mai, te ani nei ‘oia ‘e ‘ia fa’ataimehia te mau mea ato’a ‘i ni’a ‘i te moana nō te mau motu Tōtaiete.
‘Aita te ‘āpo’ora’a ‘oire nō Tai’arapu tō’o’a ‘o te rā ‘i tīa’i nō te pia hō’ē parau mana ‘e ‘opani ‘i te mau haerera’a nā te pae tahatai, te hopura’a ‘i te miti ‘e te fanora’a nā ni’a ‘i te tai.
« ‘I te hora 12, ‘ua ha’amata te miti ‘i te fa’a’ī », ‘i te fa’ati’ara’a ‘a Hoata Haamoe, fa’ehau tupohe auahi nō Tai’arapu tō’o’a ‘o te rā. « ‘I te tahi mau vahi, ‘ua haere te miti ‘i ni’a ‘i te porōmu ».
‘Ua fa’aoti ato’a te piha ‘e tī’a’au ‘i te fa’ari’ira’a rātere ‘e ‘ōpani ‘i te tomora’a ‘o te mau vāhi hopura’a miti ‘i te pae ‘apato’a tō’o’a ‘o te rā nō Tahiti, mai teie mahana pae ‘e tae atu ‘i te mahana ‘a fa’a’orehia ai te fa’aarara’a rū ‘ū puatou :
- Vaiava (PK 18) – Punaauia
- Mahana Park – Punaauia/Paea
- Rohotu – Paea
‘I mua ‘i teie nei vāve’a pūai, ‘ua fa’ataimehia te hoera’a Super Aito.
Parau fa’a’ati ‘a te piha ‘ohipa ‘a te Tōmitēra teitei
| La population est donc appelée à faire preuve de la plus grande vigilance et à respecter les consignes des autorités suivantes : – annuler et reporter les sorties en mer et la pratique des loisirs nautiques ; – ne pas s’approcher des passes, ni du récif côté océan, des plages ou du littoral en raison des risques de courants marins qui peuvent être à l’origine d’accidents ; – rester prudents sur les routes en bordure de mer. Pour les propriétaires d’embarcations : – vérifier les amarres de vos embarcations ou les mettre à l’abri. Pour les habitations en bord de mer le long des côtes exposées à la houle : – surveiller la montée du niveau de la mer ; – se mettre à l’abri si nécessaire. Rester à l’écoute des bulletins météorologiques en temps réel sur les pages Facebook de Météo France en Polynésie française et du Haut-commissariat et sur les sites internet : www.meteo-france.pf et www.polynesie-francaise.pref.gouv.fr En cas d’urgence, composer le 16 pour contacter le JRCC ou le 18 pour les sapeurs-pompiers. |
