I te pō mahana pae i ma’iri te fa’aterera’a a Moetai Brotherson fa’ataera’a i te tāpura faufa’a a te fenua nō te matahiti 2025 i nā mero 57 nō Tarahoi. Tāpura faufa’a a Pōrīnetia e mara’a e 5 miriā ‘e 7 hānere 39 mirioni ‘ia fa’aauhia i te tāpura faufa’a no te matahiti i ma’iri. Hānere 26 miriā ti’ahapa nō te terera’a ‘ohipa, ‘e 44 miriā ti’ahapa nō te fa’atupura’a ‘ohipa. ‘Ia hi’o hōhonu tātou, e 85 i ni’a ‘i te hānere o te ‘āpī a te fenua, mau tute nūmerahia e 5 miriā 7 hānere mirioni hau, ‘ia ‘āmuihia hānere 28 miriā ‘e 7 hānere 65 mirioni nō te tute.
Rahi atu ā te hoani i te tutehia, ‘ei hi’ora’a, 16 i ni’a i te hānere o te tute i ni’a i te mā’a ‘e te pape monamona, ‘ava’ava ‘e te hinu e fa’a’ohipahia i te mahana mātāmua nō Tēnuare. 8 hānere mirioni tute e ō mai, ‘āpiti-ato’a-hia mai i te hō’ē tute hō’ē miriā 6 hānere mirioni, nō te mōrī, ‘e tu’uhia i roto i nā ‘āfata e toru.
Nō te tute o te poroira’a tauiha’a i roto ia ‘Ōteānia, te ‘ōpua ra te fa’aterera’a fenua e fa’aiti mai mā te ‘ite ato’a ra ‘e’ere ‘oia i te hō’ē tuha’a moni e 2 hānere 70 mirioni. Te tauto’ora’a a te fenua e nati ‘e teie mau hau no te hi’o ato’a i te mā’a māmā.
I mua i te moni ho’o o te orara’a 1 miriā te tute a te fenua e ō mai i ni’a ‘i te ho’ora’a o te fenua ‘e te faufa’a. I roto ato’a ra i teie tāpura faufa’a, hau i te 300 miriā te mara’ara’a o te moni ‘āva’e a te mau rave ‘ohipa a te hau roa’a-roa-hia 35 miriā. Tāpiri ato’a mai te tārahu a te fenua 17 miriā 3 hānere mirioni tītauhia iana i te fa’aho’i. Hi’opo’a maitera’a te terera’a faufa’a a te mau piha ‘ohipa tā te Tāvini poro noa nā i roto i te tau porotitara’a. ‘Ōhie ‘ore ra i te fa’a’ohipa.