5 miniti teie tuha’a nā te mau pīahi nō Taravao ‘e tae noa atu ‘i te mau ‘utuāfare tīti’a ‘e mā’ti-hia ‘e teie taiete tāviri ra’a hoho’a. 30 rahi ra’a ‘o rātou, ‘e mahana tā’ato’a tei fa’ata’a-hia no te tāviri ra’a ‘i Nu’utere. « Fa’amahuta ra’a ia te parau nō teie marare, ‘oia ho’i ia ‘ume mai tetahi rātere iō mātou nei. Ia nehenehe ato’a mātou ‘e fa’aineine tetahi mau parau ‘i ni’a i teie marae. E nehenehe ato’a mātou ‘e fa’aineine ‘i te mau fa’ari’i ra’a ato’a. E nehenehe ‘e fa’atupu i’ōnei » te mana’o fa’ahiahia ‘o te tāvana tuha’a no vaira’o, Jonathan Tarihaa.
2017 tō teie fare ha’api’ira’a tuarua no Taravao ‘ohipa ra’a ‘e te mau taiete tāviri hoho’a ‘e te mau tā’atira’a ‘e teie nō te Rahui ‘a piti matahiti. Te parauparau ‘o te hīmene, te ‘upa ‘e te ‘apa. « 2023-2024 teie ‘ōpuara’a, te pāpa’i ‘e mea pāpū tā mātou nā roto ia ‘i te mau mā’imira’a ‘e te rave ra’a ‘e te mau ti’a ‘aravihi nō te reo tahiti, te ‘ori ‘e te ‘ōrero, te fa’aineine ra’a ‘i teie mau tamari’i ‘aita ‘i ‘ōhie. ‘Ua ineine ra mātou » Fabien Lann, ha’api’i tamari’i nō te ‘upa i te fare ha’api’ira’a tuarua nō taravao.
‘Āva’e ‘ātopa ‘i mairi tō te mau pīahi no te piha 4 fa’aineine ra’a. « ‘I roto ‘i te piha ‘ua ha’api’i-hia mātou ‘i te mau ‘ā’ai. ‘Ua rave ato’a mātou ‘i te mau mā’imira’a ‘e ia’u nei ‘e ti’ara’a faufa’a tō’u ‘i roto ‘i teie hohoa tāviri, mea faufa’a ‘e mea ‘oa’oa » Tepairu Tiaihau Pohe’mai, pīahi piha 4 nō taravao.
52 miniti teie hoho’a, hō’ē tuha’a ‘i tahiti nei te piti ‘i Popora. ‘Āva’e tetepa tō rātou ti’ara’a mai ‘i teie marae nō te mau fa’aineine ra’a hopea hou teie mahana. « Teie tuha’a ‘o tā tātou ‘e tāviri nei teie nūna’a ‘e tae noa atu ‘i te tuha’a ‘a te mau tamari’i haere ha’api’ira’a nō te fa’a’ī ra’a ia ‘e taime parauparau ra’a ‘a Tamatoa Brambridge ia tātara ‘oia ‘i te tumu parau ‘o te Rahui. ‘Inaha ‘e tau’ara’a parau te rave hia » Corinne POULARD, reva ‘ohipa no te hō’ē taiete tāviri hoho’a.
No te Matahiti 2026, ‘e tu’u ato’a-hia teie hoho’a ‘a Melissa Constantinovitch ‘i roto ‘i te tata’ura’a ‘o te hohoa tāviri-hia ‘i ‘Ōteānia.